Þjónustan
Svona virkar Frágangur
Það er að mörgu að huga þegar kemur að viðskiptum með ökutæki. Frágangur hefur pakkað öllum þeim skrefum sem þarf að framkvæma í eina frábæra, rafræna þjónustu sem klárar allt fyrir bæði kaupanda og seljanda eins hratt og mögulegt er.
Ferlið getur tekið allt frá 15 mínútum upp í nokkra daga eftir því hvort það þurfi að sækja um lán, greiða upp lán og greiða opinber gjöld. Þá spilar einnig inn í hvort pantað sé utan opnunartíma fjármálastofnanna.
Hægt er að setja uppítökuökutæki upp í annað ökutæki og sækja um endurfjármögnun á eigið ökutæki.
1. Ökutækjaferill, veðbönd og drög að kaupsamning
Það fyrsta sem Frágangur gerir þegar pöntun hefur verið greidd er að kanna stöðu ökutækisins og opinberra gjalda. Ökutækjaferil og möguleg slysa/tjónasaga er síðan send á kaupanda og seljanda ásamt drögum að kaupsamningi. Þá er gengið úr skugga um að ökutækið sé veðbandalaust áður en gengið er frá viðskiptunum.
Sjá dæmi um gögn sem við skilum til kaupanda:
.jpg)
Slysaskrá
2. Rafræn undirritun
Eftir að gögn úr ökutækjaskrá og drög að kaupsamning hafa verið afhent sendir Frágangur kaupsamning á kaupanda og seljanda. Ef ökutækið er í eigu fleiri en eins aðila er kaupsamningurinn einnig sendur á meðeiganda til undirritunar.
Eftir að skjölin hafa verið undirrituð getur Frágangur hafist handa og klárað allt ferlið án þess kaupandi eða seljandi þurfi að mæta og skrifa undir.
Eina undantekningin er ef kaupandi tekur bílalán með veðláni á fyrirtæki (ekki bílasamningur) hjá völdum lánastofnunum, þá þarf kaupandi að mæta til að undirrita.
3. Kaupsamningur og afsal
Það er gríðarlega mikilvægt fyrir bæði kaupanda og seljanda að kaupsamningur sé gerður vegna viðskiptanna. Það tryggir hagsmuni og réttarstöðu allra aðila ef eitthvað óvænt kemur upp seinna meir.
Allir helstu lánveitendur landsins fara fram á að löggiltir bifreiðasalar sjái um gerð kaupsamnings og afsals áður en lán er samþykkt. Hjá Frágangi starfa löggiltir bifreiðasalar með lánamiðlaraleyfi sem sjá til þess öll skjalavinnsla standist lög.
Hér má lesa nánari upplýsingar um kaupsamning, mikilvægi hans og sjá dæmi um hvernig kaupsamningur og afsal hjá Frágangi lítur út.
4. Fjármögnun
Valkvætt skref
Frágangur sér um að sækja um lán hjá þeim lánveitanda sem kaupandinn óskar eftir. Frágangur er með samstarfssamning við alla helstu lánveitendur landsins.
Hægt er að nota reiknivélina okkar til að sjá áætlaðar mánaðargreiðslur ásamt því að sjá hvar og hvernig lán hægt er að taka m.v. aldur bíls o.s.frv.
5. Tryggingaskráning
Frágangur sér um að skrá og afskrá tryggingar á þeim ökutækjum sem viðskiptin ná til. Kaupandi velur það tryggingafélag sem hann vill tryggja ökutækið hjá og Frágangur um að færa tryggingarnar yfir á nýjan eiganda ökutækisins.
Velji kaupandi að fjármagna ökutæki með bílasamningi eða bílaláni er gerð krafa um að ökutækið sé skráð með kaskótryggingu.
Hér má lesa nánari upplýsingar um tryggingar
Eigendaskipti
Að lokum sér Frágangur til þess að uppgjör bifreiðagjalda hafi verið gerð milli samningsaðila og tilkynnir um eigendaskiptin til Samgöngustofu. Athugið að ekki er öruggt að afhenda ökutækið fyrr en að eigendaskiptin hafa gengið í gegn.